【明報專訊】日本人氣卡通Chiikawa（吉伊卡哇）大型展覽「CHIIKAWA DAYS」將於8月1日起喺尖沙嘴K11 MUSEA舉行，主辦單位AllRightsReserved噚日（29日）喺港鐵九龍站、柯士甸站、太古站及將軍澳站舉行免費派發活動，向成功獲取整理券者派發以吉伊卡哇3個主角為主題嘅「派對套裝」。每份派對套裝包含一枚專屬角色造型嘅紙帽及一個「討伐棒」氣球。其中一個派發點港鐵九龍站，有唔少人到場領取，有人即場戴起造型紙帽並打卡。亦有市民喺出口處等待，期望同其他換領者交換心儀款式。